蟲蟲一週BLW食譜(1)

蟲蟲係4個月開始食幾啖蓉，到6個月先轉BLW，依家9個月一日三餐BLW🏻‍♀(係啊肥毛毛係早餐午餐晚餐都不能少唷！😗)

開始都係以蔬菜生果為主，七個月先介紹魚肉，八個月先雞肉，九個月就羊肉，由於蟲媽唔食牛，所以未介紹~黎緊會介紹🦐比佢試

好多媽媽都話BLW到好頭痛，已經唔知煮咩蟲媽獻出自己一週每日三餐嘅食譜比大家作參考，一次過買咩餸先煮到都寫埋出黎，唔洗大家頭痛蟲媽整理好曬~~

我地係有pattern咖，早餐係會有一種生果😗！午餐同晚餐都會有一份蔬菜、一份澱粉質、一份肉🥸!一星期有一次湯水飲，蟲媽會整一次蛋糕、饅頭、麵包比蟲蟲

	早餐	午餐	晚餐
MON	香蕉PANCAKE	羊肉+鮮蕃茄PASTA+紅蘿蔔條	三文魚+薯仔+西蘭花
TUE	​自家製饅頭+藍莓	雞胸肉+素麵	肉醬意通粉+西蘭花
WED	香蕉麥皮	​自家製饅頭+三文魚+脆肉瓜	羊肉+小粟米+西蘭花三文魚波波飯
THU	烚蛋+牛油果+自家製饅頭	牛油果通粉+三文魚	蕃薯+雞胸肉+紅蘿蔔條
FRI (煲湯日)	藍莓PANCAKE	蕃薯三文魚煎餅+脆肉瓜	蒸梨+魚湯蕃茄麵
SAT (整蛋糕日)	牛油果TOAST	脆肉瓜+三文魚波波飯	香蕉蛋糕
SUN	香蕉蛋糕	蒸梨+紅椒+羊肉	南瓜PASTA+魚肉

需購買的食材::

肉:羊肉、三文魚、雞胸肉、蛋、白魚肉

菜:蕃茄、紅蘿蔔、西蘭花、脆肉瓜、小粟米、牛油果、蕃薯、紅椒、南瓜

生果:香蕉、藍莓、梨

️留意返!!!!蟲媽係行早接觸各類食物嘅派別，只要安全就會比佢食，我知道有啲食物致敏源會比較高，但蟲媽認為早知到致敏源會比較好，如果你唔認同，係可以自己更換食物種類~ 唔好鬧我嘅育兒方法～pls!

蟲媽自己係買依D魚，佢入面係包包細包咁，每次用一半比蟲蟲，另一半自己食左佢!好方便~

購自一田